Roza Lati shquhet për stilin e saj të veçantë në të veshur. Gjithmonë shfaqet mjaft e kuruar në ekran me përzgjedhjen e veshjeve më trend. Kohët e fundit, Rozën e kemi parë shpesh të veshur me kostume pak a shumë të një stili mashkullor. Në fakt duket se moderatorja ka bërë një zgjedhje shumë të zgjuar, sepse përveçse është një veshje e veçantë duket edhe shumë bukur. Madje pavarësisht se cilësohen si kostume meshkujsh, Roza përcjell edhe një lloj feminiliteti. Moderatorja na ka treguar se mjafton të bësh zgjedhjen e duhur të detajeve dhe të tilla kostume mund të duken shumë bukur tek çdo vajzë. Gjithashtu prej kohësh është paralajmëruar se ky do të jetë një stil mbizotërues, për të përcjellë dhe një lloj mesazhi për fuqizimin e femrave. Prandaj ky është një shembull perfekt se bukuria femërore mund të shfaqet në çdo lloj forme. /revistawho.com
