Për pak muaj, djali i Jona Spahiut feston 1-vjetorin e lindjes dhe tashmë që ai është rritur mund t’i shoqërojë mamin dhe babin në çdo vend. Jona ka treguar se ditën e sotme i është dashur të udhëtojë së bashku me partnerin e saj, Frenklin dhe vogëlushin Raiden. Pavarësisht se udhëtimet familjare janë të bukura, prapaskenat kur ka dhe një fëmijë të vogël nuk duken të lehta. Jona ka publikuar në ‘Instagram’ një video përpara nisjes, në të cilën bashkëshorti i saj shihet duke rregulluar një tablet të vogël që Raiden të shikojë kukulla gjatë udhëtimit. Por në ato momente vogëlushi duket se pasur dëshirë për të luajtur, sepse shihet duke ngacmuar me këmbë nga fytyra babi Frenklin. Përkrah videos Jona ka shkruar: “Situatë: Udhëtim me fëmijë”, si për të treguar se nuk është aq e lehtë sa mund të mendojnë të tjerët.
Megjithatë këto mbeten nga momentet më të bukura, sepse pas disa vitesh kur fëmija rritet kujtohen me nostalgji. Kujtojmë se ky nuk është udhëtimi i parë i Jonës me familjen e saj, sepse që kur ishte ende shumë i vogël Raiden ka shijuar pushimet me mamin dhe babin. /revistawho.com
