E ftuar në “Why not”, këngëtarja e mirënjohur Poni ka dhënë një intervistë ndryshe duke folur edhe për jetën e saj private që e ka ruajtur me fanatizëm larg vëmendjes së publikut. Poni tregoi se kur ka qenë e vogël mendonte se bashkëshortin nuk do e merrte nga Vlora pasi nuk e besonte se do gjente dikë tolerant, por ia që fati ishte shkruar ndryshe. Madje me humor, këngëtarja u shpreh se ajo mori të vetmin vlonjat tolerant që ishte.
“Mendoj se çdo gjë është e shkruar, kur kam qenë e re mendoja se nuk do të merrja kurrë një burrë nga Vlora sepse me natyrën që kam që kemi atë 5 minutshin tonë klasik nuk do të më duronte njeri. Me thënë të drejtën mendoja se mund të ndodhte diçka në Shqipërinë e Mesme se janë më të butë. Por intuita më la në baltë se dhe shkova aty ku e kishte shkruar Zoti. Gjeta një vlonjat tolerant i vetmi që ishte e mora unë”, u shpreh Poni.
