Emina Cunmulaj ka qenë e ftuar mbrëmjen e kaluar në emisionin ‘Xing me Ermali’. Ndër rrëfimet pikante dhe detajet për jetën, ajo tregoi edhe njohjen me bashkëshortin e saj Sam Nazarian.
“Jemi njohur në ishujt Karaibe, unë isha me shokun tim grek dhe me familjen e tij. Në restorant ishte një vajzë e ulur në tavolinë me Sam. Ajo erdhi më përshëndeti. Unë isha beqare për disa vjet dhe doja një lidhje. E shoh këtë djalin që ishte dy metra edhe thashë obobo. Ata çohen, ikin nga restoranti. Pastaj u kthye ai bashkë me atë vajzën dhe erdhën tek tavolina jonë. Shoku im e takoi, e njihte dhe po bisedonte për disa të njohur grek. I përshëndeti ai familjen e shokut tim dhe kur erdhi radha tek unë më dha dorën dhe më tha ‘Jam Sam’. Përshëndetje jam Emina i thashë. ‘Je greke?’, më pyeti. Mua gjaku po më ziente nga brenda se jam patriote. ‘Jo, pse?’ e pyeta unë dhe shtrembërova fytyrën. Më pa çuditshëm dhe tha ‘Të vjen era djath’ dhe iku. E kam qejf djathin, e ha shumë. Pastaj pjesa tjetër është histori”,-zbuloi modelja shqiptare.
Po propozimi? Emina ka zbuluar se ka qenë shumë emocionuese gjithçka. “Nisi të fliste dhe mu duk sikur po shprehej më shumë se zakonisht. Unë isha veshur me tuta pasi isha e lodhur nga festimet e ditëlindjes. Ai erdhi dhe drejtoi dorën nga hoteli që asokohe po ndërtonte. ‘Këtë s’do e kisha bërë dot pa ty. Do që të ndërtojmë gjithçka së bashku’, më tha. Unë nuk po ndaloja dot lotët, Sam nxori unazën e diamantit dhe unë i thashë po”,-rrëfeu Emina. Kujtojmë se modelja shqiptare dhe bashkëshorti i saj kanë dy vajza./revistawho.com
