Tedi Ngjela është bërë personazh i njohur mediatik falë lidhjes me moderatoren Floriana Garo, por ndarja me të e ka vënë edhe më shumë në qendër të vëmendjes. Ish-çifti është ndarë para pak muajsh duke shkaktuar kështu një zhurmë mediatike, e megjithatë asnjëherë nuk u zbulua arsyeja pse i dha fund marrëdhënies së tyre.
Gjithsesi lidhjen me prezantuesen e “Tv Klan” duket se juristi i njohur nga Tirana e ka lënë pas… Tashmë ai është në një lidhje të re me një vajzë, me të cilën ndajnë shumë pasione siç është edhe biznesi.
Burime nga suplementi Blutooth, shkruajnë se vajza në fjalë quhet Era Xhabafti, është nga Tirana dhe është një nga vajzat e reja të biznesit. Lidhja e tyre është e freskët e megjithatë Tedi nuk ka hezituar të tregojë publikisht afeksionin që e ka përfshirë në raportin e ri.
Ai ka postuar disa foto në rrjetet sociale dhe nuk ka nguruar të tregojë përfshirjen në lidhjen e re me Erën.
“E dua atë. Ju e kuptoni për çfarë e kam fjalën”, – ka shruar Tedi në ‘Instagram’ përkrah fotos me të. E në një tjetër foto, ku shihen në një nga club-et e Tiranës, juristi ka shkruar: “E dashuroj mënyrën sesi më shikon”.
