Historia e dashurisë mes Olsi Bylykut dhe Egli Takos ka përfunduar. Mes aludimeve që qarkulluan në rrjet për arsyet e ndarjes, ka qenë Olsi ai që ka folur për t”i dhënë fund kësaj çështjeje. Në një intervistë për “Më lër të flas”, ai tha që kjo ishte më e mira për të dy.
“Unë me Eglin kemi qenë në lidhje, s’kemi qenë të fejuar, as të martuar. Historinë tonë e kemi kënduar në dy këngët që kemi bërë bashkë. Nuk ka pasur gabim nga asnjëra palë. Si dy njerëz të përgjegjshëm, për herë të parë zgjodhëm veten tonë”, ka thënë ai.
