Kim Kardashian është fotografuar duke shkuar në spitalin UCLA në Los Angeles të mërkurën, për vizitë tek burri i saj, reperi Kanye West, pasi ky i fundit u shtrua për shkak të problemeve me shëndetin mental. Tanime ai ka dale nga spitali. Por kjo ishte hera e parë që 36-vjeçarja shihet në publik e vetme, që kur u grabit në apartamentin e saj në Paris. Kim është parë e vetme në Range Roverin e saj luksoz, pavarësisht traumës që ka përjetuar nga hajdutët që i vodhën stolitë në vlerë prej 11 milionë dollarësh. Sipas burimeve të revistave amerikane, pas kësaj ndodhie, martesa e tyre e re mund të jetë në krizë.
