Mbrëmjen e kaluar është mbajtur festivali më i rëndësishëm i komedisë, “Koko Fest Festival”, i cili zhvillohet në qytetin e Korçës, nën drejtimin e Zamira Kitës. Në këtë edicion të festivalit u bënë bashkë trupa teatrore nga Shqipëria, Kosova dhe Maqedonia. Gjatë mbrëmjes juria profesioniste e përbërë nga Ndriçim Xhepa, Luiza Xhuvani, Rajmonda Bulku dhe Enver Petrovski ndanë disa çmime të vlefshme për karrierën e aktorëve. Çmimin “Aktorja më e mirë joprotagoniste” e rrëmbeu Monika Lubonja, për rolin në shfaqjen “Komedia që shkoi për dreq”.
Në një prononcim për “RevistaWho.Com” ajo tregoi e emocionuar se lajmin e bukur e mori teksa ishte në gjumë. Një telefonatë nga mikesha e saj Olta Daku e bëri të fluturojë nga gëzimi.
“‘Motër’ – më tha mikja ime më e mirë Olta – ‘Urime, ke marrë “Çmimin si Aktorja Më e Mirë Joprotagoniste në Kokofest’. – Mbeta pa frymë. Pastaj një vrull ndjenjash, emocion, gëzim, keqardhje që nuk isha aty. Kryqëzova duart dhe thashë: Faleminderit o Zot që më bëre të ribesoj sërish. Më ktheve dëshirën për të punuar më fort. Këtë çmim ia dedikoj familjes sime. Babait tim që më ndjek nga lart, që ka qenë gjithnjë shpata dhe mburoja ime, mamasë sime që më jep forcë çdo ditë. Teas, bekimit tim. Faleminderit Driada Dervishi. Faleminderit që besove tek unë në momente të vështira. Faleminderit që nuk ma lëshove kurrë dorën gjatë këtyre muajve. Faleminderit që më bëre pjesë të një vepre kaq të thjeshtë në dukje e kaq të vështirë për ta sjellë ashtu si duhet. Faleminderit Romir Zallës, Gentian Zenelit, Sokol Angjelit vëllai më i mirë. Faleminderit Alesia e Donald për ndihmën. Ky Çmim është i të gjithë trupës së “KOMEDISË QË SHKON PËR DREQ”. Ne fituam bashkërisht dhe këtë e kanë treguar duartrokitjet e pafundme të publikut. Faleminderit jurisë për vlerësimin. Ju jam mirënjohëse. Driada Dervishi, Romir Zalla, Gentian Zenelaj, Alessia Xhemalaj, Donald Shehu Bujar Asqeriu, Beqo Nanaj”, – shprehet e Lubonja edhe përmes një statusi në rrjetet sociale. / revistawho.com
