Televizionet në Malin e Zi dënohen për transmetimin e këngës “Albania”

Ju kujtohet kënga “Albanian” nga Etnon dhe Lyrican Son? Para 13 vitesh ajo u kthye në  hit muzikor, madje i ka rezistuar kohës pasi edhe në ditët e sotme vazhdon të mbetet një nga këngët më të bukura. Por transmetimi i kësaj kënge në Malin e Zi tashmë kthehet në problem për televizionet që e përfshijnë në programacionin e tyre. Autoritetet vendase kanë dhënë vërejtje për  “TV Teuta” dhe “TV Boin” pasi kanë transmetuar këtë këngë, sepse sipas tyre  përmbajtja e programit përbën rrezik për rendin kushtetues në Malin e Zi.
Ndërkohë Lyrican Son ka reaguar për këtë çështje në “Instagram” duke thënë se kënga nuk mund të ndalohet.