E mbani mend një nga momentet më kulminante të dasmës së Britney Spears? Ish-bashkëshorti i këngëtares, Jason Alexander u kap nga siguria pasi tentoi të prishte dasmën mes Spears dhe partnerit të saj prej kohësh, Sam Asghari. Mediat e huaja bëjnë të ditur se Alexander është dënuar për shkelje pasi u shfaq pa paralajmërim në dasmën e këngëtares në qershor. Jason Alexander, 40 vjeç, pranoi akuzat. Një gjykatës e dënoi atë me 64 ditë burg. Spears, 40, dhe Asghari, 28, u martuan në një ceremoni private në shtëpinë e saj në Ventura County të Kalifornisë më 9 qershor. Por përgatitjet u ndërprenë nga mbërritja e Aleksandrit. Pak më parë ai kishte postuar një story në Instagram ku thoshte se ishte aty për të shkatërruar dasmën. Ai pretendoi se Spears e kishte ftuar atë, duke thënë: “Ajo është gruaja ime e parë, gruaja ime e vetme”. Aleksandri u arrestua në moment.
Tentoi t’ia prishte dasmën, përfundon në burg ish- burri i Britney Spears
