Kur njeh dikë dhe ndërton një marrëdhënie dashurie, gjithçka është e bukur në fillim, por me kalimin e kohës nisin problemet, debatet të cilat janë mëse normale nëse ke një raport real me dikë.
Terapistët, në një artikull të publikuar nga ‘Misskyra.Com’, kanë dhënë disa këshilla që duhet t’i keni parasysh nëse doni që dashuria të zgjasë. Nga vëzhgimet ndër vite të raporteve mes çifteve, ata kanë dalë në përfundimin se gjithçka fillon nga sinqeriteti.
Gjithashtu ka shumë rëndësi që të punoni bashkë, jo kundër njëri-tjetrit, pasi kjo është e vetmja mënyrë si mund të zgjidhni problemet që lindin me kalimin e kohës sado të vogla dhe të mëdha janë.
Komunikimi është çelësi, nëse doni që gjërat të shkojnë mirë, flisni për çdo problem me partnerin/en.
Mbështetuni tek njëri-tjetri. Nëse kërkoni përkrahje, opinion apo një mendim të thjeshtë për diçka sado e vogël të jetë, duhet të kuptoni se vetëm tek partneri mund ta gjeni.
Nëse jeni njohur së fundmi dhe jeni ende në hapat e parë të lidhjes duhet të keni parasysh që duhet të ruani kuriozitetin për partnerin, duhet të nxisni tek vetja dëshirën për t’i njohur pavarësisht kohës që kalon. /revistawho.com
