Luana Vjollca së fundmi është paraqitur tërësisht pa ‘make up’ në rrjete sociale dhe ka tërhequr vëmendjen e të gjithëve. Moderatorja ka publikuar në ‘Instagram’ një foto, në të cilën shihet shumë natyrale dhe të gjithë fansat e pëlqyen shumë edhe në këtë formë.
Në fakt duket se këto foto pa grim po realizohen me një qëllim, sepse bëhet fjalë për një projekt të ri të Luanës. Ajo ka postuar një video në ‘Instastory’ në të cilën shihet duke punuar në një studio me stilisten e saj, Blerina Rugova. “Duke bërë foto pa ‘make up’. Diçka ndryshe po vjen…”, ka shkruar Luana bashkangjitur videos së publikuar.
Ajo nuk ka preferuar të japë detaje të tjera, duke i lënë të gjithë me dyshime nëse bëhet fjalë për ndonjë këngë ose emision të ri, apo ndonjë fushatë ndërgjegjësuese. Megjithatë është e sigurt se ky projekt do të jetë i suksesshëm, si çdo gjë tjetër që është realizuar nga Luana. Kujtojmë se së fundmi ajo ka publikuar këngën më të re, “Sonte”, në bashkëpunim me këngëtarin e mirënjohur, Dani. /revistawho.com
