TERROR NE NICE/ E kapin kontraktimet nga ankthi dhe frika, gruaja lind fëmijën në breg

Ankthi dhe frika kanë provokuar kontraktime tek një grua e re 9 muajshe shtatzënë, e cila po fshihej nga atentatori bashkë me të shoqin dhe fëmijët. Ajo lindi në breg të detit të Nicës. Për fat të mirë, midis turmës që vraponte për t’i ikur terroristit, ishte edhe një mjek që e ndihmoi të sillte në jetë fëmijën deri në ardhjen e ndihmës mjekësore, rreth një orë pas sulmit. Siç raporton “Le Figaro” gruaja ishte strehuar bashkë me 1500 njerëz të dëshpëruar në restorantin “Ruhl Plage”, pranë bregut. Kamerierët e kanë ndihmuar gruan ta spostonin në kuzhinë për të gjetur sadopak hapësirë, por siç tregon një prej fëmijëve të saj “njerëzit ishin futur në çdo cep, edhe në frigoriferë”.