Aktorja kosovare Teuta Krasniqi, ka folur për shtatzëninë e saj. Për “Beba ime” ajo ka zbuluar gjininë e foshnjës së saj. Aktorja e njohur dhe bashkëshorti i saj Adonisi po presin një vajzë, e cila është fëmija i parë i tyre, por i dyti për Teutën. Ajo ka një vajzë nga martesa e parë me kantautorin Blero. Teuta ka thënë se fakti që pret vajzë është gëzim i madh për të, pasi ka dashur që Tara të kishte një motër. “Po ndjehem shumë mirë, madje shpesh harroj që jam shtatzënë dhe vazhdoj pothuajse të gjitha aktivitetet dhe bioritmin e mëhershëm. Po ushqehem mire, po mundohem edhe të pushoj pak më shumë, kujdesin e kam shumë të theksuar nga Adonisi dhe Tara, e cila vazhdimisht ka shumë kujdes për mua, dhe kjo po më befason se me çfarë përgjegjësie po sillet për pritjen e bebes, është shume e lumtur që do të jete motra e madhe”, ka thënë Teuta.
