Një Ekspo “sipas Klik-ut” në bashkepunim me një nga Qendrat e Kurseve Profesionale dhe Agjencinë më të njohur në fushën e Modës, “Grace Models”, rikthehet ne edicionin e dytë, ne datat 8-9-10 Qershor në Pallatin e Kongreseve, me vëmendjen tek një sektor që kryqëzohet në të gjitha etapat e historisë shqiptare, herë shquar si traditë e vepër arti, herë burim jetese dhe zhvillimi ekonomik; një prej sektorëve më të rëndësishëm prodhues në Shqipëri: zotëron peshën kryesore të eksporteve, prodhon punësim dhe mirëqenie sociale, krijon lajm dhe lëvizshmëri, ndërgjegjëson për vlerat autentike të së bukurës.
“Grace”, si organizatore e Ekspozitës së Modës, një prej Salloneve kyç të Panairit Ndërkombëtar të Tekstilit dhe Modës, do të bëjë të mundur që Stilistë të momentit e Shtëpitë e Modës të demonstrojnë e joshin blerësit, ekspozojnë e lidhin kontrata biznesi. Sfilata të stilistëve dhe Shtëpive të Modës, dhe altarë të agjencive të njohura do të organizohen në mënyrë të vazhdueshme gjatë të gjitha ditëve të eventit, duke thurur lidhjet e nevojshme nga sipërmarrësi deri tek blerësi e përfituesi i fundit.
Prodhuesit “Made in Albania”, të vërteta të prekshme të një industrie që zhvillohet përmes të shkuarës me standarde të modernizuara, përfaqësuar nga emra identifikues të ndërmarrjeve shqiptare që garojnë bindshëm ne epokën e tregjeve globale duke ruajtur traditën dhe qarkulluar të mira brenda vendit: të mirat në punësimin e shtresave të ndryshme, të mirat në shpërndarjen gjeografike të këtyre realiteteve sipërmarrëse, të mirat në rritjen e vetëvlerësimit dhe tundimit të natyrshëm të konsumatorit për të përzgjedhur mallra të prodhuara në vend.
Një tezgjah virtual, fill lidhës mes traditës së hershme të përpunimit të tekstilit në Shqipëri dhe Ballkan nyjëzuar me zhvillimin e vrullshëm sipas standardeve globale, ringjalljen e vlerave të punës së dorës përballë produkteve të teknologjisë së lartë e miqësore me mjedisin. Me largpamësinë e zhvillimit afatgjatë të sektorit në Shqipëri, e cila nëse nuk është kthyer ende, do të kthehet shumë herët në një pikë referimi për mbarë Rajonin e Evropës Juglindore, mirëpret pjesëmarrës që ofrojnë produkte finale të markave ndërkombëtare, lëndë të parë e teknologji, tekstile e lëkurë, përvoja menaxhimi e marketimi të shëndetshëm, mjeshtëri artistike, zgjidhje real-estate etj, por mbi të gjitha gatishmërinë për të punuar ngushtë me shqiptarët dhe investuar në vend.
Risì përmes Ekspozitës se Modës! Një mënyrë e re konceptimi, një surprizë sa i takon hapësirave të ekspozimit, mënyrës dhe materialeve të ndërtimit, dhe kjo falë përkujdesjes së Qendrës së Kurseve Profesionale dhe Agjencisë së njohur në fushën e Modës, “Grace Models”…
