Tha se do të ishte pjesë e “Kënga Magjike”, zbulohet çfarë ndodhi me Elhaida Danin

Rreth dy javë më parë Elhaida Dani njoftoi fansat e saj se do të ishte pjesë e “Kënga Magjike 2018”. Nëpërmjet një postimi në rrjetet sociale ajo ‘kërcënoi’ me shaka pjesëmarrësit, se po të mos e votonin do i hidhte në gjyq.
Por teksa dje pritej performanca e saj, këngëtarja nuk u shfaq, madje u nis edhe në një udhëtim jashtë vendit.
Pas kësaj fansat e pyetën se çfarë ndodhi dhe përgjigjen e morën pak orë më vonë nga një postim në ‘Instastory’.
“Hey të dashurit e mi. Për ju që po prisni daljen time në “Kënga Magjike”, nuk do të jem pjesëmarrëse. Fotoja që postova ishte vetëm një shaka. Por u uroj shumë suksese të gjithë pjesëmarrësve, shijojeni”, shkruan Elhaida.

Vitin e kaluar këngëtarja ishte pjesë e festivalit me këngën “E ngrirë”, e cila ishte pretendente për të fituar./revistawho.com