Ditën që ra tërmeti, këngëtarja shqiptare me famë ndërkombëtare, Bebe Rexha premtoi se do vijë në Shqipëri për të ndihmuar sadopak. Bebe e ka mbajtur premtimin dhe sot ka lajmëruar se do të niset për në Shqipëri. Ajo ka dhuruar vetë 10 mijē dollarë dhe ka mbledhur një shumë akoma më të madhe, ndaj arsyeja e vizitës lidhet pikërisht me këtë shumë, pasi këngëtarja u shpreh se dëshiron të sigurohet që paratë do shkojnë në vendin e duhur. Bebe tha se do të qëndrojë vetëm 1 ditë në vendin tonë. Kujtojmë se tërmeti tragjik shkaktoi 51 viktima.
