Ilir Shaqiri dhe Sabiani krijuan një miqësi shumë të veçantë në “Big Brother VIP”, por që është aluduar se u prish pas përfundimit të spektaklit.
Një deklaratë e Sabianit në “Më lër të flas” i shtoi dyshimet se miqësia ishte prishur. Ai tha asokohe se Iliri kishte “përfituar” prej tij. Sot në “E Diell” Sabiani ka folur sërish për marrëdhënien me Ilirin.
“E keni marrë në kontekstin e gabuar këtë gjë, kemi përfituar nga njëri-tjetri dhe realisht kemi qenë të dy së bashku aty dhe luftonim për njëri-tjetrin”, tha ai.
Para pak kohësh Iliri tha se të dy i kanë dhënë njëri-tjetrit shumë, duke shtuar se e ka vlerësuar shumë.
“Mendoj që ne të dy i kemi dhënë shumë njëri-tjetrit, si brenda, edhe jashtë shtëpisë. Kur dikush bën për mua, di t’ia vlerësoj dhe ta rikëmbej pa ma kërkuar askush. Rëndësi ka kur miqtë dinë çfarë bëjnë dhe flasin në situata të ndryshme, për më tepër kur jemi në qendër të vëmendjes dhe para syve të publikut. Gjithsesi, mendoj që Sabiani është njëri nga ata që, nëse më ka qëndruar më afër një herë, i kam treguar që di ta vlerësoj dhjetë herë, si me fjalë, ashtu dhe me vepra”, ka thënë Iliri.
