Një ndër vendimet më të rëndësishme një jetën e një personi, është martesa. Jo të gjithë e kanë të lehtë të hedhin një hap kaq të madh në ditët e sotme, por “RevistaWho.Com” ka zgjedhur t’ju prezantojë sot me të gjithë personazhet VIP që i dhanë fund beqarisë gjatë vitit që lamë pas.
Jona Spahiu
Martesa e moderatores Jona Spahiu ishte pak e përshpejtuar, pasi ajo nuk ishte një nuse e zakonshme, por në pritje të ëmbël. Kjo nuk ndikoi aspak në atmosferën e festës, pasi Jona “e tundi”. Si ajo dhe bashkëshorti Frenkli e shijuan në maksimum çdo surprizë të asaj mbrëmje. Sot, ata janë prindër të një djali të bukur, të cilin e kanë pagëzuar me emrin Raiden.
Afërdita Dreshaj
Dasma e Afërditës ishte fiks si në përralla. Ajo u mbajt në Miami, ku të ftuar ishin familjarët e çiftit dhe disa miq të ngushtë. Dasmën e pasoi një muaj mjalti si në ëndrra dhe që nga ai moment, Afërdita dhe Jakub jetuan të lumtur përgjithmonë…
Elita dhe Gjiko
Dasma e Elitës dhe Gjikos mund të quhet pa frikë si një nga dasmat më të diskutuara. Ajo u përfol disa javë përpara se të organizohej e deri në mbrëmjen kulminante. Gjithçka ishte perfekte dhe e realizuar në detaje. Elita, një nuse që vezullonte si një engjëll me pupla, ndërkohë Gjiko nga ana tjetër një dhëndër, që “e kalli” atmosferën. Çifti shumë shpejt ata pritet të bëhen prindër të një djali.
Sara dhe Ledioni
Ajo, një nga trashëgimtaret e “Top Medias”, ndërsa ai, një ndër moderatorët më të suksesshëm në Shqipëri. Sara dhe Ledioni vendosën t’i thonë “Po” njëri-tjetrit një vend përrallor siç është liqeni i Comos në Itali, në atë që më vonë (me publikimin e videos) rezultoi të ishte dasma më e paparë. Këtë ditë të shënuar të çiftit e bëri edhe më të bukur prania e djalit të tyre të vogël, London. Të ftuar ishin dhe një pjesë e stafit të “Top Channel”, figura të njohura të ekranit si dhe nuk munguan në të personazhe të tjerë të showbiz-it.
Angela Martini
Modelja shqiptare Angela Martini i ka surprizuar të gjithë me martesën e saj. Kur askush nuk e priste, ajo u martua në fshehtësi me multimiliarderin rumun Dragos Savulescu dhe vetëm një ditë më pas publikoi fotot në rrjetin social “Instagram”. Angela nuk ka qenë një nuse si të tjerat, ajo ka preferuar në vend të bardhës tradicionale, ngjyrën e zezë. Arsyeja mbeti mister, por modelja edhe këtë herë ia arriti qëllimit duke tërhequr vëmendjen e të gjithëve.
Kledi Kadiu
Edhe balerini Kledi Kadiu i ka dhënë fund beqarisë gjatë 2018-tës. Ai dhe francezja Charlotte Lazzari para ceremonisë kishin vite lidhje sëbashku dhe një vajzë të vogël që quajtur Lea. Ata zgjodhën liqenin e Bracciano për t’i thënë “Po” njëri-tjetrit. Mes të ftuarëve nuk munguan dhe personazhe të njohur si Maria De Filippi, Anbeta Toromani, Ilir Shaqiri, Lorik Cana e shumë të tjerë. / revistawho.com
