Thashethemet për mbylljen e “Top Show”, Alban Dudushi: Po punojmë për sezonin e ri, flasin ata që nuk na duan

Alban Dudushi, autori dhe moderatori i programit “Top Show” në “Top Channel” i është përgjigjur përmes një statusi në “Facebook” thashethemeve për mbylljen e programit të tij. “15 vjet në ‘Top Channel’, UNË jam në shtëpinë time. Llafet e përhapura nëpër portale për “Top Show”, “Portokalli”, “E diell”, janë pa asnjë bazë dhe në vazhdën e një fushate dashakeqe ndaj ‘Top Channel’. Pavarësisht fjalëve të përhapura nga persona që nuk na e duan të mirën, stafet e këtyre programeve, në bashkëpunim me drejtuesit e lartë të televizionit, janë të përkushtuar për të sjellë më të mirën në sezonin e ri. Faleminderit për mbështetjen tuaj të vazhdueshme”, – përfundon Dudushi, i cili lë për të kuptuar se sezoni i ri në “Top Channel” do të sjellë risi në programacion.