“The Crown” pezullon xhirimet pas vdekjes së mbretëreshës!

Pas vdekjes së Mbretëreshës Elizabeth II, krijuesi i filmit “The Crown”, Peter Morgan ka deklaruar se produksioni që aktualisht është duke u përgatitur për sezonin e gjashtë do  të ndalojë xhirimet në shenjë respekti për një periudhë të papërcaktuar kohe.  “Askush prej nesh nuk e di se kur do të vijë ajo kohë (vdekja e mbretëreshës), por do të ishte e drejtë dhe e duhur pezullimi i xhirimeve për të treguar respekt për mbretëreshën. Do të ishte një nderim i thjeshtë dhe një shenjë respekti. Ajo është një figurë globale dhe kjo është ajo që ne duhet të bëjmë”, tha Stephen Daldry, një regjisor i episodeve të hershme, në vitin 2016 kur u shfaq premiera e “The Crown” dhe u pyet se çfarë do të bënin nëse mbretëresha vdiste gjatë periudhës kur ata do të ishin ende në xhirim.