Aktori i njohur amerikan, Dwayne Johnson i njohur ndryshe edhe si ‘The Rock’ ka dhënë lajmin e mrekullueshëm të ardhjes në jetë të vajzës së tretë. Ai ka dedikuar disa fjalë zemre për bashkëshorten, Lauren Hashian dhe për vajzat e tij, duke shprehur lumturi dhe përulje para femrave.
“Lëkurë për lëkurë. I bekuar dhe krenar që sollëm në jetë një tjetër vajzë të fortë. Fuqia jonë. Tiana Gia Johnson, erdhi në këtë botë si forcë e natyrës ndërsa mamaja e saj, e lindi si një “rok star” i vërtetë. Unë u rrita dhe u rrethova nga gra të forta, i kam dashur shumë gjatë tërë jetës sime, por pasi mora pjesë në lindjen e bebes Tia, e kam të vështirë ta shpreh nivelin e ri të dashurisë, respektit dhe admirimin që kam për gruan time dhe të gjitha nënat e gratë e botës”, -ka shkruar aktori krahas fotos me vajzën./revistawho.com
