Adele është një prej këngëtareve më të mira në botë, por kjo nuk e ndalon atë që të shprehë hapur pëlqimet për njerëz të rëndësishëm. Në këtë rast, ky person është Dwayne Johnson, i njohur si “The Rock”.
Në ceremoninë e këtij viti të ndarjes së çmimeve “Grammy”, Adele e ka realizuar ëndrrën e saj. Prezantuesi i ceremonisë, Trevor Noah, e nisi fjalën pikërisht me këtë.
“Kjo është një nga gjërat më të çuditshme që kam zbuluar: Personi që Adele ka dashur gjithmonë ta takojë, por kurrë nuk ka pasur mundësinë, është Dwayne Johnson. Kam zbuluar se ai është gjithashtu një fans i madh i yti”, tha ai.
The Rock u shfaq pas karriges së Adele duke i dhënë një përqafim. “Adele takohet me The Rock, The Rock takohet me Adele! Për herë të parë!” tha Noah. “Në rregull, ju të dy vazhdoni njihuni, ne duhet të vazhdojmë me spektaklin.”
Kujtojmë se edhe më parë, Adele ka shprehur dëshirën për të takuar aktorin.
