“THE SHBLSH” ka qenë treshja më e famshme e humorit në fillimet e “Portokalli”. Juli, Genti dhe Ermali bënë për vete gjithë publikun me humorin e tyre, por më vonë ata vendosën të shkriheshin si grup dhe të vazhdonin karrierën të vetëm. Madje me kalimin e viteve raportet mes dy anëtarëve, Julit dhe Gentit, u ftohën dhe sot dy artistët kanë pranuar se nuk flasin me njëri-tjetrin. Megjithatë më nostalgjiku i “THE SHBLSH” Ermal Mamaqi, duket se është i vendosur për t’i bashkuar sërish dy miqtë e tij e për të rikthyer grupin më të njohur të humorit. Së fundmi ai ka publikuar në ‘Instagram’ një foto të vjetër përkrah dy miqve të tij dhe përmes saj ka ngritur dyshimet se mund të realizoj një film me ta. Bashkëngjitur fotos me Julin dhe Gentin ai ka shkruar: “Po sikur të vijë një film me këta tre çunat? A thua se do kishe shkuar në kinema për ta parë?”.
Pas këtij postimi të gjithë fansat janë shprehur të gatshëm për t’i parë vetëm e vetëm që ata të rikthehen dhe njëherë si grup. Ermali pritet që së shpejti të publikojë një film dhe ndoshta nëpërmjet këtij postimi ka dashur të tregojë se Genti dhe Juli mund të jenë pjesë e tij. Ende nuk dihet se në çfarë kohe do të jetë gati filmi i ri i Mamaqit, ndaj të gjithë do të presin me padurim për të parë nëse “THE SHBLSH” do të bashkohet sërish. /revistawho.com
