The Voice of Italy, Raffaella Carra gafë në skenë…

Mbrëmë në “The Voice of Italy” ikonës së televizionit italian Raffaella Carra i shpëtoi një gafë në skenë. Një nga pretendentët për fitore Joe Croci këndoi “Like a rolling stone”, dhe me këtë rast Carra deshi të kujtonte kantautorin me frazën: “Muzika është e vetmja gjë që kur të godet nuk të vret kurrë”. Më pas prezantuesja komentoi se Bob Dylan “vdiq 35 vite më parë”. Në të vërtetë kantautori i madh është gjallë dhe shumë mirë. Bobi që ka vdekur 35 vite më parë është Bob Marley. Ka qenë këngëtari i ri, konkurrent në spektakël që aty për aty e ka përgënjeshtruar Carran duke kujtuar se “Bob Dylan është gjallë”. Mimika e Raffaella-s kur kuptoi gafën ishte e papërsëritshme: një miks midis turpit dhe dorëzimit duke thënë: “Ja tek jemi, e marrtë dreqi”!