Egli Tako ka ndezur rrjetin dhe publikun pas një momenti të papritur gjatë performancës së saj më të fundit në Drenicë. Këngëtarja, e njohur për zërin dhe stilin e saj të veçantë, u bë menjëherë virale – këtë herë jo për muzikën.
Teksa u ngjit në skenë, Egli mbërriti e mbështjellë me flamurin kuqezi dhe nisi të bërtasë “Serbi, Serbi…”, një thirrje e njohur që zakonisht dëgjohet në stadiume futbolli. Publiku iu përgjigj menjëherë me korin e famshëm: “Të q\*\*sha motrën!”, një shkëmbim që u përsërit disa herë dhe që ndezi atmosferën.
Pamjet u filmuan nga të pranishmit dhe u shpërndanë me shpejtësi në TikTok dhe Instagram, duke gjeneruar reagime të shumta në komente.
Ky nuk është rasti i parë që emri i saj përmendet për veprime të komentuara gjerësisht. Pak kohë më parë, Egli u përball me kritika pas interpretimit të këngës patriotike “Mora Fjalë”, ku u akuzua për mungesë serioziteti dhe veshje të papërshtatshme. Madje, Albina Kelmendi e cilësoi interpretimin si “turp”, duke shtuar:
“Një këngë për heroin e Kosovës të shndërrohet në show, për të plotësuar minutazhin…”
Me apo pa qëllim, Egli Tako di si të tërheqë vëmendjen. Dhe publiku? E ndjek nga pas – me telefon në dorë.
