Në një postim të fundit në Instagram, llogaria që menaxhon imazhin e Valbonës ka shpërndarë një deklaratë që thekson situatën e vështirë me të cilën po përballet momentalisht në shtëpinë e Big Brother Vip Albania.
Ky postim shpreh shqetësimin e thellë dhe vë në dukje se bullizmi që sipas tyre. ka kaluar çdo kufi të pranueshëm.
Në postim shkruhet:
“Reality show si Big Brother VIP Albania synojnë të ofrojnë argëtim, debate dhe emocione, por fatkeqësisht shpesh shndërrohen në një arenë bullizmi dhe sulmesh personale. Kjo është pikërisht ajo që po ndodh me Valbona Mhillin, e cila po përballet me një valë sulmesh si brenda ashtu edhe jashtë shtëpisë. Në shtëpinë e Big Brother, sjelljet e Gjestit ndaj saj kanë qenë të pahijshme, duke shfaqur gjeste dhe veprime të cilat tejkalojnë kufijtë e etikës dhe respektit mes konkurrentëve. Në vend që loja të mbetet në suazën e një gare të shëndetshme, sulmet dhe provokimet ndaj Valbonës kanë krijuar një atmosferë të rënduar, duke vënë në pikëpyetje vlerat që duhen promovuar në një format të tillë. Nga ana tjetër, edhe jashtë shtëpisë, situata është po aq e rëndë. Persona publikë si Shqipe Hysenaj dhe Bledi Mane po përhapin thashetheme dhe aludime të pabaza rreth saj, duke ndikuar negativisht në perceptimin e publikut. Këto veprime janë një formë bullizmi mediatik që dëmtojnë jo vetëm Valbonën, por edhe familjen e saj, e cila është e detyruar të përballet me një presion të panevojshëm dhe të padrejtë. Është e rëndësishme që publiku të dalë kundër këtij fenomeni, duke mbështetur vlerat e respektit, dinjitetit dhe lojës së ndershme.”
