Babai i Meghan Markle nuk ka arritur ende t’i lërë pas krahëve mosmarrëveshjet e së shkuarës me vajzën e tij. Ai nuk do të jetë prezent kur fëmija i parë i dukeshës do të vijë ne jetë dhe nuk do të ketë as mundësinë ta takojë më vonë.
Burimet pranë pallatit mbretëror kanë treguar për ‘Cosmopolitan’ se Thomas nuk do të udhëtojë drejt Londrës, ndërkohë që mamaja e Meghan ndodhet pranë saj. Ai është konsideruar një person i ndaluar dhe problematik për familjen mbretërore dhe kjo është arsyeja kryesore pse nuk do të jetë prezent në këtë moment të veçantë të vajzës së tij.
Ndonëse ai është tërhequr kohët e fundit nga intervistat dhe deklaratat të cilat kanë shkaktuar gjithmonë shumë zhurmë, për të fituar faljen e Meghan, duket se as kjo gjë nuk ka mundur ta përmirësojë marrëdhënien e tyre.
Kujtojmë se Thomas dhe Meghan kanë pasur gjithmonë një raport të vështirë dhe kanë tërhequr vëmendjen e të gjithëve për shkak të konflikteve të herë pas hershme të cilat janë bërë edhe publike./revistawho.com
