Mbrëmja e djeshme në “Big Brother VIP 4” solli edhe më shumë surpriza për banorët, pasi Vëllai i Madh vendosi tre kuti të reja emergjence. Njëra prej tyre u thye nga ish-banorja Ola, duke rikthyer çmimin e madh në 100 mijë euro për të gjithë, përveç Eglit dhe Jozit, të cilët vazhdojnë të luajnë për 50 mijë euro.
Por sot, një tjetër moment dramatik tronditi shtëpinë më të famshme në Shqipëri. Jozi mori guximin dhe theu njërën prej kutive të mbetura, e cila përmbante një çelës. Para se ta bënte këtë, ai u konsultua me Gjestin, i cili iu përgjigj: “Po, pse me qëndruar aty. Kujdes mos të nxjerr jashtë nga dera e Vodafone”.
Reagimet ishin të menjëhershme. Loredana, duke parë skenën, i tha me habi: “Unë nuk të flas më”. Megjithatë, surpriza që e priste Jozin ishte një eksperiencë ekskluzive:
“Ti fitove të drejtën të kalosh 24 orë në një dhomë luksoze, në një ambient privat dhe tërësisht të izoluar nga banorët e tjerë. Zgjedh një banor tjetër për të ndarë eksperiencën, si pasojë natën pasuese je i detyruar të flesh jashtë në oborr me kushte të vështira pavarësisht motit dhe të përdorësh vetëm tualetin.”
Pa u menduar dy herë, Jozi zgjodhi që këtë privilegj ta ndajë me Loredanën, duke e ftuar në suitën luksoze për 24 orë.
