Një tjetër moment tensioni ka tronditur shtëpinë e Big Brother VIP 5, ku një sfidë e thjeshtë nga Vëllai i Madh u kthye në një debat të ashpër mes Inës dhe Stelinës. Ajo që nisi si pjesë e lojës së pulsantit, përfundoi në akuza personale, ironi dhe replika të forta që u komentuan gjerësisht nga publiku.
Gjatë sfidës, Ina solli në bisedë një deklaratë të mëparshme të Stelinës nga emisioni “Për’puthen”, lidhur me raportin e saj me të atin. Ky rikujtim u përjetua si një tejkalim kufijsh nga Stelina, e cila theksoi se situata familjare është një çështje intime dhe se publiku njeh vetëm një pjesë të së vërtetës.
Por përplasja nuk u ndal me kaq. Stelina e zhvendosi diskutimin te një episod jashtë shtëpisë, duke përmendur puthjen e Inës me Kejsin dhe duke e akuzuar se ndërhyn në marrëdhëniet e të tjerëve. Nga ana tjetër, Ina e portretizoi Stelinën si dikë që kërkon vëmendje dhe kamera, një pretendim që kjo e fundit e hodhi poshtë.
Tonet ironike dhe akuzat personale e bënë këtë debat një nga momentet më të forta të ditës në shtëpinë më të ndjekur në vend.
Pjesë nga debati:
Ina: Ti ke thënë ‘Qëkur ka ndërruar jetë im atë, nuk e di ku është varri i tij’.
Stelina: Vetëm kaq di publiku. Cila është arsyeja pse unë nuk flas me babin tim, atë e di unë.
Ina: Unë s’e di.
Stelina: A s’ke për ta ditur.
Ina: Një njeri që ka ndjenja… Ti mohon babin tënd, na tregon tani dashurinë që ke për Keijsin.
Stelina: Nuk do e arrish ta kuptosh ndonjëherë pse. Ti je femër e përkëdhelur dhe je mësuar të futesh mes çifteve.
Ina: Po, më ka përkëdhelur familja ime.
Stelina: S’keni turp.
Ina: Shyqyr je ti e ndershmja e dheut.
Stelina: Më shumë se ty po.
Ina: Ti që puthesh me çunat në mes të ‘Myslym Shyrit’.
Stelina: Puthem. Po s’më ka dalë klip mua.
Ina: Aty e ke hallin ti. Se ti do të të vijë me kamerë, se je mësuar me kamera.
Stelina: Ashtu jam mësuar unë.
Ina: E kupton që bën çdo gjë për kamera?
Stelina: Çuditërisht më ka shpëtuar një puthje pa më dalë në kamera. Shaj ndonjë rob se aq di.
Ina: Mirë, shko qa tani.
