4 mijë kilometra për të ndjekur nga afër Kombëtaren Shqiptare në Francë. Kjo është historia e pabesueshme e një të riu shqiptar, i cili vuan nga një sëmundje e rrallë që e ka detyruar të ulet në një karrige me rrota.
Kualifikimi i Shqipërisë në Europian i ndryshoi jetën 25-vjeçarit Dritan Doda, i cili jeton në Itali që prej vitit 1998. Pasioni për fanellën kuqezi dhe futbollin e detyroi familjen t’i bënte një surprizë për të ndjekur nga afër dy ndeshjet e para të Shqipërisë në Lyon dhe Marseille.
4 mijë kilometra me një rulotë edhe pse në gjendje të rënduar shëndetësore për djalin, pasioni i të cilit për futbollin nuk ka kufi, ndërsa zemrën e Dritanit vazhdon ta mbajë në jetë dashuria për Kombëtaren, shkruan SuperSport.
