Pritjes i erdhi fundi. Jemi vetëm një ditë larg “Time Capsule 3”, kapitull që ndryshon historinë e muzikës. Capital T rikthen mega koncertin e tij në Tiranë pas 5 vitesh. Gjithçka nisi në vitin 2019 kur Tirana u elektrizua nga “Time Capsule 1” dhe pjesëmarrja theu rekordet. Mes viteve që kanë kaluar, hiteve, këngëve që kanë lënë gjurmë, koncerteve që janë shkruar në histori, rikthimi në Tiranë do të jetë magjik. Të premten, më 16 gusht 2024, stadium “Selman Stermasi” do të ndizet i gjithi. Bëhuni gati të shikoni rikthimin e 2PO2, një prej këngëtarëve më të mirë të hip-hopit shqiptar. Por jo vetëmkaq, Lyrical Son dhe MC Kresha ngjiten në skenën e “Time Capsule”, për një performancë që ndoshta nuk e keni parë kurrë më parë. Në listën e rikthimeve të bujshme shënoni me shkronja të mëdha edhe atë të Majk dhe jo, nuk ka vend për fjalë. M Huncho, Lluni, Il Ghost do të kujdesen që nata e 16-të e gushtit të bëhet e paharrueshme. Capital T rikthen traditën, të bukurën, atë që imagjinoni dhe atë që shkon përtej imagjinatës. Retrospektivisht shkojmë në pak më shumë se 365 ditë më parë, drejt e në Prishtinë, aty ku u mbajt “Time Capsule II”, në skenën gjigande ku u ngjitën emrat më në zë të muzikës, si LedriVula, MC Kresha dhe Lyrical Son, ElvanaGjata, Majk, por edhe një surprizë e madhe e cila përmbushi ëndrrat e shumë brezave. “Smack that all on the floor/ smack that, give me some more”, ishte pikërisht Akon ai që ndezi fitilin e madhështisë së koncertit. Këtë vit madhështia do të jetë e përmasave të tjera, duke ruajtur stilin e traditës së “Time Capsule”, koncertit që thyen rekorde. Për Capital T sukseset nuk kanë fund, teksa nuk mund të lëmë pa përmendur këngën “Albania”, himnin e Kombëtares shqiptare në Euro 2024, hit që u dëgjua në çdo cep të botës. Për “Time Capsule III”, nuk ka dyshime, Tirana do të ndizet në një flakë që lë gjurmë të përjetshme.
“Time Capsule III” do ta ndezë Tiranën si asnjëherë më parë!
