TIRANE/ E vret me 4 plumba, gardisti 29 vjeçar-fqinjës: M’i mbaj fëmijët se më vranë gruan

Admir Dervishi, 29-vjeçar është punonjës i Gardës, por në lajmet e mëngjesit të sotëm emri i tij doli si autori i vrasjes së gruas së tij pas një sherri në familje. I riu qëlloi me armë I.Dervishin, një vit më e vogël se ai, e cila ndërroi jetë më pas në spital. Mësohet se çifti kishin dy fëmijë të mitur, një djalë dhe një vajzë e cila është vetëm 8 muajshe. Mësohet se pas krimit, Admiri ka zbritur tek fqinja një kat më poshtë dhe ka thënë: M’i mbani fëmijët se ma vranë gruan”. Ka qenë fqinja e tyre që ka mbajtur për një orë fëmijët e tyre, teksa kanë ardhur familjarët për t’i marrë në patronazh, pasi nëna e tyre nuk jeton më dhe babai ndodhet i arrestuar. Sipas fqinjëve, çifti kishte një vit që ishte transferuar në këtë shtëpi me qera dhe njiheshin si njerëz të qetë dhe s’kishin shumë kontakte me banorët e tjerë në pallat.