Leonardo DiCaprio është bërë i njohur në mbarë botën për rolin e tij si Jack Dawson në “Titanic”, por aktori ka pranuar së fundmi se një tjetër projekt i vitit 1997 i ka mbetur në mendje.
Sipas një interviste për Esquire, DiCaprio zbuloi se keqardhja e tij më e madhe është që refuzoi rolin e Dirk Diggler në dramën ikonike të Paul Thomas Anderson, “Boogie Nights”. Ai zgjodhi në vend të tij “Titanic”, duke i hapur rrugën Mark Wahlberg për një nga performancat më të njohura të karrierës.
DiCaprio tha:
“Keqardhja ime më e madhe është që nuk mora pjesë në Boogie Nights. Ishte një film i jashtëzakonshëm për brezin tim. Nuk mund ta imagjinoj askënd tjetër përveç Mark në atë rol. Kur e pashë filmin, mendova se ishte një kryevepër.”
Edhe Wahlberg më vonë ka folur për këtë eksperiencë, duke thënë se “Boogie Nights” ishte një nga zgjedhjet më të vështira për të dhe shpreson që Zoti ta falë për disa vendime të gabuara të karrierës.
Sidoqoftë, DiCaprio do të ketë mundësinë të bashkëpunojë sërish me Paul Thomas Anderson në filmin e tij të ri, “One Battle After Another”, i bazuar në romanin Vineland të Thomas Pynchon, me premierë më 26 shtator.
