Përbindëshi i famshëm i Loch Ness-it është rikthyer! Të paktën kështu duket nga fotografia e shkrepur nga Ian Brenmer, një i apasionuar, i cili betohet se ka gjetur krijesën e Skocisë.
Imazhet shfaqin një gjarpër rreth 15 metra të gjatë, i cili lëviz në sipërfaqen e ujit. Të jetë ky momenti i vërtetë i kapjes së përbindëshit?
Skeptikët vazhdojnë të hedhin poshtë çdo teori, gjë që e kanë bërë edhe këtë herë. Sipas tyre, në fotografinë e fundit bëhet fjalë thjesht për 3 foka, të cilat po ndjekin njëra-tjetrën në ujë.
Krijesë legjendare apo një kafshë me mish e kocka? Historia e nisur që në vitin 1933 vazhdon deri në ditët e sotme, duke tërhequr kështu shumë turistë kuriozë për gjallesën misterioze.
“Unë nuk i besoj historisë, por mund të jem i pari që e shoh atë”, është shprehur Ian Brenmer.
