Siç u bë e ditur pak ditë më parë, aktori turk Tolgahan Sayışman bëri një vizitë disa ditore në Angola. Nga fotot dhe videot e publikuara duket se aktori është pritur mjaft mirë nga fansat, të cilët ishin të shumtë në numër. Në përfundim të kësaj vizite ai ka postuar disa foto ku ka dashur të falenderojë ata të cilët e shoqëruan përgjatë këtij udhëtimi, por pa harruar të tregojë dhe kënaqësinë që mori nga kjo eksperiencë e re. Ai ka shkruar se kjo vizitë ishte e jashtëzakonshme dhe se do të dëshironte të shkonte sërish aty.
“Udhëtimi në Angola ishte fantastik. U preka vërtet shumë nga momentet në spitalin e Hidrocefalia. Dua të falenderoj sinqerisht të gjithë njerëzit e Angolës për dashurinë dhe afeksionin e tyre. Me dëshirë për të qenë serish me ju së shpejti.” /revistawho.com
