“Top Magazine”, Beniada Nishani tregon të vërtetën e fotove “hot” dhe planet për të ardhmen

Beniada Nishani ka qenë e ftuar sot në “Top Magazine”. Bukuroshja shqiptare ka disa ditë që është vënë në qendër të mediave për shkak të disa fotove “topless” të realizuara. Beniada ka filluar që në moshë të re të merret me modeling, si dhe planet e saj për të ardhmen përqendrohen vetëm te aktrimi. Fotot “Topless” janë realizuar për revistën “PlayBoy” dhe e pyetur nëse do i propozohej për një film me përmbajtje erotike, ajo ka thënë që kurrsesi nuk do pranonte. Përsa i përket televizionit, u shpreh që qëllimi kryesor për të është aktrimi, që është dhe dega që po studion momentalisht. Ndërsa për jetën private dhe se si ëndërron të jetë mashkulli i ëndrrave Beniada ndër të tjera theksoi: “Një njeri familjar, të kuptojë punën time, të rritet me mua si dhe mos të jetë xheloz.”