Totti e akuzoi për tradhti, reagon Blasi: Nëse flas, shkatërrohen 50 familje

Francesco Totti dhe Ilary Blasi po akuzojnë njëri-tjetrin për tradhti pas ndarjes së tyre të bujshme. Një ditë më parë Totti tha se e kapi bashkëshorten mat duke e tradhtuar. Blasi ka reaguar duke bërë një deklaratë të fortë.“Nëse vendos të flas mund të them gjëra që do të shkatërronin 50 familje”, tha ish-bashkëshortja e Francesco Tottit. Sipas mediave italiane, Ilary është mjaftuar me këtë fjali duke kërkuar të ruajë fëmijët që të mos preken nga kjo situatë. “Kam mbrojtur përherë fëmijët e mi dhe do të vazhdoj ta bëj një gjë të tillë”, tha prezantuesja italiane.