Filmi vizatimor ‘Toy Story 4’ ka thyer rekorde shikimesh në kinematë e botës që nga data e lançimit. Deri tani kur bëhen dy javë nga ngjitja në krye të renditjes së ‘box office’, prodhimi i “The Walt Disney” ka fituar plot 469.5 milionë dollarë në të gjithë botën dhe 57.9 vetëm në Amerikën e Veriut. Ndërsa në vend të dytë aktualisht është “Annabelle”, filmi horror që i ka tërhequr të gjithë me serinë e radhës.
Fitimet e tij deri tani kanë arritur shifrat e 100 milionë dollarëve.
Në vazhdim pritet të ketë prurje të reja nga gjigandët e kinematografisë, por deri tani pritshmëritë më të mëdha janë që seria e radhës e “Toy Story” të qëndrojë në maja për më shumë se 1 muaj. / revistawho.com
