Divorci i Francesco Tott-it dhe Ilary Blasit vazhdon të ngjallë interes. Por mesa duket e vërteta qenka e kundërta e asaj që dinim deri sot. Është lënë të kuptohet se shkak i krizës së çiftit ka qenë historia e nisur mes ish-kapitenit të Romës dhe Noemi Bocchi-t, por duket se e vërteta është ndryshe. Sipas medieve italiane aludohet për një afrimitet mes Blasit dhe trajnerit roman të fitnesit, Cristiano Iovino, një histori që ka nisur shumë muaj më parë dhe mendohet se është bërë shkak për ftohjen e çiftit të bashkëshortëve. Blasi dhe Iovino kanë nisur të shoqërohen me njëri-tjetrin rreth një vit e gjysmë më parë dhe Totti e ka kuptuar një gjë të tillë duke bërë që të distancohet nga ish-bashkëshortja dalëngadalë.
Pas disa kërkimeve, Francesco u bind për shoqërinë e dyshes dhe pasi u ndie i zhgënjyer nisi të kërkonte edhe ai një mikeshë. Në jetën e tij u shfaq Noemi Bocchi dhe kjo është kronologjia e saktë”, ka shkruar “Corriere Della Sera”.
