Një ngjarje e rëndë ka ndodhur paraditen e sotme në Fier, ku një i ri ka vrarë të dashurën e tij dhe më pas veten. Sipas policisë, ngjarja ka ndodhur rreth orës 11:40 në aksin rrugor Fier-Hoxharë, në afërsi të fshatit Shënpjetër, ku në mjetin tip Fuoristradë me targë AA 939 OY, janë gjetur të vdekur 2 persona. Nga kqyrja e vendit të ngjarjes u bë identifikimi i viktimave të cilët janë Drini Derveni, 32 vjeç, banues në Fier dhe Ermira Arapi, 29 vjeçe, banuese në fshatin Ngurrëz, Lushnje. Gjithashtu nga këqyrja e plotë e vendit të ngjarjes dallohet qartë se i riu ka qëlluar me armë vajzën 29-vjeçare E. A., dhe më pas ka vrarë veten. I riu nga Fieri, 32-vjeçari mbante në dorë 1 pistoletë të tipit “TT” e armatosur dhe ka qitje me puqitje në kokën e tij. Nga të gjitha rrethanat e mësipërme rezulton që i Drini Derveni, pasi ka vrarë vajzën nga Lushnja, ka vrarë veten. Grupi hetimor në bashkëpunim me Prokurorinë po punojnë për zbardhjen e plotë të ngjarjes./syriu.net
