Kris Jenner ka njoftuar se motra e saj e vogël, Karen Houghton ka ndërruar jetë në moshën 65-vjeçare. Shkaku i ndarjes nga jeta të Houghton nuk është bërë ende i ditur. Megjithatë, TMZ citon burime të autoriteteve dhe shkruan se ka ndodhur për shkaqe natyrale.
“Me dhimbje dhe hidhërim të thellë ju njoftoj se motra ime Karen ndërroi jetë papritur ditën e djeshme. Zemra ime është pikëlluar për nënën time MJ dhe mbesën Natalie dhe lutem që Zoti të na udhëheqë në këtë moment të vështirë. Karen ishte e bukur si jashtë, edhe brenda”, shkroi Kris Jenner.
Ajo shtoi se do ta kujtonte gjithnjë të motrën si njeriun “më të ëmbël, të mirë, të ndjeshëm dhe gazmor”.
