Janë zbuluar shkaqet e përfshirjes nga flakët të autobusit me besimtarë në qendër të qytetit të Krujës. Shpërthimi i fuqishëm dhe i menjëhershëm i flakëve masive nuk i dha mundësinë pasagjerëve të kuptonin rrezikun që i kanosej ndërsa shenja e parë që u dha ishte tymi i lëshuar nga motorri, raporton Express. Në këto kushte shoferi ka ndaluar autobusin dhe ka dalë të shohë për problemin që mund të kishte automjeti por me ta hapur, flakët kanë shpërthyer shumë shpejt në fraksion sekondash. Hetimet janë duke vijuar. Paraprakisht bëhet e ditur se zjarri është përhapur nga tubat e ajrimit në kabinën e autobusit.
Tragjedia në Krujë, zbulohen shkaqet e shpërthimit të zjarrit në autobus
