Tragjedia, vetëvritet aktorja e famshme e serialeve indiane

Tragjeditë me aktoret indiane të telenovelave nuk kanë të sosur, por këtë herë vdekja nuk ka ndodhur vetëm në serial. Aktorja Pratyusha Banerjee, e cila u bë e famshme në serialin indian “Balika Vadhu”, ka kryer vetëvrasje. Sipas njoftimeve zyrtare, 24-vjeçarja është gjendur e vetëvarur këtë të premte në banesën e saj. Pavarësisht se është dërguar me urgjencë në spitalin Ambani në Andheri, Mumbai, ajo nuk ka mundur të mbijetojë. Lajmi është konfirmuar nga një shok i saj i ngushtë Kamya Punjabi. Arsyet e vetëvrasjes janë ende të paqarta. (NOA)