Tashmë është fakt, moderatori Turjan Hyska dhe skuadra e “Apartamentit 2XL” do të zhvendosen në televizionin “Klan”. Madje, janë transferuar tashmë. Dje ishte Turi që postoi një sekuencë të shkurtër nga ambientet e studios së re, ndërsa sot në ambientet e” Klan” është fotografuar aktori i humorit Albano Bogdo.
Albano duket se po përpiqet të ambientohet dhe ka zgjedhur që për disa momente të qëndrojë vetëm, i ulur poshtë një peme. “Në kërkim të hijes”-ka shkruar Turi në foton e postuar në “Instagram” ku shihet qartë se Albano është tërësisht i zhytur në mendime.
Në fund të fundit është normale, aktori duhet të përshtatet me të gjitha këto ndryshime. Ndonjëherë meditimi ndihmon./revistawho.com
