Plutoni hyn në Ujor dhe kjo është një ngjarje e madhe astrologjike pasi në këtë shenjë Plutoni do të udhëtojë deri në vitin 2044. Zhvendosja e shenjës së Plutonit shënon një kohë zgjimi kolektiv, duke revolucionarizuar realitetin tonë në një mënyrë që është e vështirë për të përcaktuar saktësisht, për shkak të natyrës së paparashikueshme të Ujorit.
Ky ndryshim do të ndikojë masivisht të gjithë ne. Të gjithë do t’i nënshtrohen një transformimi të thellë të brendshëm që do të valëzohet në fusha të tjera të jetës suaj.
Plutoni është forca e evolucionit, katalizatori i transformimeve më të thella dhe proceseve alkimike.
I emëruar sipas Zotit mitologjik të botës së nëndheshme, Plutoni na udhëzon në një udhëtim nëpër errësirë dhe na sfidon që të ndërgjegjësojmë të pandërgjegjshmen përmes angazhimit të sinqertë dhe të qëndrueshëm për të arritur deri në fund të gjithçkaje dhe për t’u përballur me të vërtetën, sado e shëmtuar qoftë.
Në Astrologji, Plutoni ka të bëjë me plagët që lidhen me ndjenjat e pafuqisë, tradhtisë dhe humbjes, dhe me gjithçka që shtypim dhe fshehim sepse ndihemi të turpëruar, frikësuar ose neveritur prej saj. Plutoni sundon detyrimet, obsesionet, frikën dhe tendencat tona të manipulimit. Ky planet ka të bëjë me ato modele të pavetëdijshme që ne i luajmë vazhdimisht pa e kuptuar dhe mënyrat indirekte që ne përpiqemi për të përmbushur nevojat tona të sigurisë.
Ky planet lidhet me dëshirat dhe synimet evolucionare të shpirtit tonë dhe me dëshirat tona të ndërgjegjshme dhe egoike. Plutoni sundon mbi ciklet e vdekjes dhe rilindjes dhe udhëtimin tonë të fuqizimit përmes kësaj dhe jetëve të tjera.
Tranzitet e Plutonit shënojnë ciklet gjeneruese dhe dinamikën kolektive. Orbita e Plutonit është e parregullt dhe këtij planeti i nevojiten 248 vjet për të udhëtuar nëpër të gjithë Zodiakun. Plutoni shpenzon më shumë kohë në disa shenja sesa në të tjera. Kur Plutoni lë një shenjë për të hyrë në një të re, është një ngjarje e madhe, që nuk do ta përjetojmë më gjatë jetës sonë.
Plutoni do të udhëtojë përmes Ujorit për rreth 20 vjet.
Arketipi i Ujorit: Çlirimi nga e kaluara
Ujori është shenja e njëmbëdhjetë e zodiakut, një shenjë fikse dhe ajri. Tradicionalisht i sunduar nga Saturni dhe i sunduar nga Urani në Astrologjinë moderne, Ujori është një shenjë komplekse dhe disi paradoksale, e lidhur me një gamë të gjerë temash. Këto përfshijnë dinamikat e grupit dhe komunitetit, miqësitë, lëvizjet kolektive, kauzat humanitare dhe njerëzit që bashkohen për të aktualizuar një vizion të përbashkët.
Ujori është gjithashtu i lidhur me teknologjinë, shkencën, përparimin dhe zbulimet inovative, të cilat përfshijnë internetin, mediat sociale, energjinë elektrike, fushën kuantike, Inteligjencën Artificiale, si dhe udhëtimin ndërgalaktik. Objektiviteti dhe shkëputja janë cilësi që rezonojnë fort me Ujorin, i cili graviton drejt pamjes së një zogu dhe kërkon të ketë një perspektivë më të lartë të modeleve dhe dinamikave, pa paragjykime personale.
Energjia e Ujorit ka të bëjë me çlirimin nga kufizimet e jashtme dhe të brendshme dhe rikthimin e veçantisë dhe individualitetit tonë.
Zgjimi Kolektiv
Plutoni ka qenë në Bricjap që nga viti 2008, duke transformuar në mënyrë dramatike strukturat tona globale sociale, financiare dhe politike, ndërsa ekspozon pamëshirshëm dinamikat e pashëndetshme të pushtetit dhe korrupsionin, prishjen dhe sekretet më të errëta të autoriteteve, qeverive dhe institucioneve tradicionale. Në javët dhe muajt e fundit, ky proces u përshpejtua dhe u bë më ekstrem, i dukshëm dhe shkatërrues.
Ndërsa Plutoni ka kërcyer mes Bricjapit dhe Ujorit, ne ndjemë se e ardhmja troket në derën tonë, ndërsa pesha e së kaluarës bëhej gjithnjë e më e vështirë për t’u mbajtur. Ndërsa Plutoni bën hyrjen e tij përfundimtare në Ujor, realiteti ynë personal dhe kolektiv do të transformohet me një ritëm shumë më të shpejtë. Evolucioni i njerëzimit po përshpejtohet ndjeshëm ndërsa Plutoni lëviz nga një shenjë e Tokës në një shenjë Ajri: kjo do të jetë veçanërisht e dukshme pas disa muajsh kur Urani, sundimtari planetar i Ujorit, të lëvizë nga Demi te Binjakët, një tjetër shenjë e Ajrit.
Plutoni në Ujor dëshiron të na çlirojë nga prangat e kushtëzimit tonë, nga barra e pritjeve të shoqërisë, nga pesha e traditës. Sidoqoftë, do të na kërkohet të zgjerojmë kapacitetin aktual të sistemit tonë energjik, emocional dhe nervor për t’u përshtatur me këtë ndryshim dhe për të mbajtur shpejtësinë e ndryshimit. Gjatë vitit të ardhshëm, do të ketë një rritje të sistemeve, komuniteteve dhe organizatave të pavarura. Njerëzit do të tërhiqen të organizohen dhe të bashkohen për të realizuar një qëllim të përbashkët, duke marrë përgjegjësinë për krijimin e realitetit që ata aspirojnë të jetojnë.
Kalimi i Plutonit përmes Ujorit do të nxisë transformime drastike në strukturën e shoqërisë dhe do të sjellë ndryshime dramatike në marrëdhëniet tona me veten, me njëri-tjetrin, me qeveritë dhe me teknologjinë. Gjatë kësaj kohe, ne do të dëshmojmë zbulime të jashtëzakonshme teknologjike dhe shkencore që ndryshojnë jetën, që do të revolucionarizojnë realitetin tonë dhe kufijtë e asaj që menduam të ishte e mundur. Megjithatë, injorimi i rreziqeve të mundshme dhe implikimeve etike të teknologjive të reja mund të ketë një ndikim shumë shkatërrues.
Shkëputja nga trupi ynë fizik dhe emocional është një pjesë e arketipit të Ujorit që do të zmadhohet ndërsa Plutoni udhëton nëpër shenjë. Më shumë njerëz do të zhvillojnë një varësi ndaj mediave sociale, telefonave, realitetit virtual dhe teknologjisë dhe do të shkëputen plotësisht nga zemrat e tyre, fizika e tyre, emocionet e tyre dhe natyra. Më shumë njerëz do të jenë në marrëdhënie që nuk përfshijnë një komponent emocional ose fizik, por zhvillohen vetëm në një nivel intelektual.
Ky artikull është i Revistës Who dhe nuk lejohet ribotimi pa lejen e redaksisë!
