Angelina Jolie ka nisur të jetë pjesë e biznesit kinematografik qysh në vitin 1982, kur pati një rol të vogël në filmin e të atit, Jon Voight “Lookin’ to Get Out.” Dhe në më shumë se 30 vjet më vonë, fituesja e ҫmimit Oscar, është akoma një prej aktoreve më të pëlqyera, më të paguara dhe më të suksesshme ama askush nuk mund të mohojë se ka kaluar përmes një transformimi të madh. Në videon e mëposhtme, shikoni sa shumë ka ndryshuar fytyra e Jolie përgjatë viteve, shkruan “Class”.
41-vjeҫarja, e cila pak javë më parë deklaroi divorcin nga bashkëshorti Brad Pitt (20 shtator), e nisi karrierën kur ishte ende fëmijë, që në vitet ’80, ndërsa zyrtarisht u bë pjesë e kinematografisë në fillim të viteve 1990, me një pamje të freskët prej bruneje dhe me onde të natyrshme.
Pas kësaj, aktorja e “Mr. & Mrs. Smith” eksperimentoi me shumë stile flokësh, duke përfshirë edhe flokët e shkurtër (pixie cut), bazuar nga roli i Gia-s në vitin 1998), bionde me kaҫurrela, pastaj me ngjyra të tjera e shumë modele glamour deri sot — kur ylli global i kinematografisë, gëzon ende një fuqi të jashtëzakonshme jo vetëm në tapetin e kuq, por edhe në shoqëri për ndikimin dhe ndihmën e saj humanitare.
Shikoni se si ka ndryshuar Jolie që nga 1991 deri sot përmes kësaj videoje interesante.
