Romanca e shumëpërfolur mes këngëtarit shqiptar Butrint Imeri dhe modeles turke Sezen Cifcioglu duket se ka përfunduar ashtu siç nisi – me shumë bujë në rrjete sociale. Pasi për disa kohë ata ndanin momente romantike në publik, tani gjithçka është zhdukur: fotot janë fshirë, ndjekjet janë ndërprerë dhe raporti mes tyre ka marrë fund.
Ndërsa ndjekësit spekulonin për arsyet e ndarjes, Sezen vendosi të thyejë heshtjen. E pyetur nga “ZoneVip”, ajo mohoi çdo gjë që është thënë për një lidhje me këngëtarin:
“Lajmi është i rremë dhe personi në fotot e mija është shoku im. Unë nuk e meritoj të përflitem në këtë mënyrë. Nuk kam qenë e lidhur me Butrintin,” – u shpreh ajo.
Modelja shtoi më tej se marrëdhënia mes tyre ka përfunduar në çdo aspekt, edhe në miqësi.
“Ne nuk jemi më shokë, ai ka qenë me njerëz të tjerë gjatë gjithë kësaj periudhe,” – deklaroi Sezen, duke lënë të kuptohet se shkaku i ndarjes mund të ketë qenë tradhtia.
Burime pranë çiftit thonë se lidhja u prish pas një flirti të Butrintit me një tjetër vajzë, gjë që modelja turke e mësoi dhe reagoi menjëherë duke e përjashtuar nga jeta e saj. Megjithatë, identiteti i vajzës me të cilën këngëtari dyshohet se ka tradhtuar nuk është bërë publik.
Ndarja ka qenë e tensionuar dhe e mbushur me përplasje, dhe kjo ka bërë që lajmi të shpërndahet me shpejtësi në portale dhe rrjete sociale. Nga ana tjetër, Butrinti ka zgjedhur të ruajë qetësinë. Ashtu si gjithmonë, ai nuk ka dhënë asnjë koment për jetën e tij private.
“Nuk ka qenë kurrë i prirur të flasë për lidhjet e tij, përveç nëse ka qenë gati ta ndajë me publikun,” – thonë burime pranë tij.
