Që shtëpisë së “Big Brother” do i bashkohej një çift lesbikesh ishte lajmi që bëri shumë bujë ditën e sotme. Kejda dhe Vivi iu bashkuan shtëpisë pak më parë. Ato kanë qenë një çift disa vite më parë, por lidhja e tyre pësoi një ftohje, Takimi në “Big Brother” shihet si një mundësi e dytë për lidhjen e tyre. Kei e pranoi homoseksualitetin e saj në moshën 11 vjeç dhe për këtë ë ka mbështetur edhe familja e saj. Për Vivin pëlqimi për vajzat ka nisur në moshën 16 vjeç dhe prindërit e kanë mbështetur në këtë zgjedhje të saj. Në “Big Brother” ato kanë shumë për të treguar.
Çifti tjetër janë Katerina dhe Lupçe. Ata janë çift që vijnë nga Pusteci, edhe pse jetojnë në Tiranë. Lupçe është një djalë shumë i hedhur dhe shumë gazmor. Katerina është më e ndrojtur dhe Lupçja për të është gjithçka. Pak vite më parë Lupçe pati një histori me shoqen më të mirë të Katerinës, por ai moment ka kaluar dhe ata mendojnë se ka ardhur koha të sfidojnë veten, me praninë e tyre në “Big Brother”.
Çifti i fundit janë Gerta dhe Denisi. Ata janë njohur në audicionet e “Big Brother”. Qëndrimi mashkullor dhe pamja e jashtme e shtynë Gertën të afrohej më shumë Denisin. Gerta ka lindur në Delvinë po jeton se bashku me vëllain dhe motrën në Tiranë, pas vdekjes së nënës së tyre. Gerta është duke përfunduar Masterin, ndërsa punon edhe agjente marketingu. Denisi është nga Elbasani dhe studion për “Marrëdhënie me Publikun”. I pëlqejnë shumë lidhjet e shkurtra dhe është shumë i komunikueshëm.
