Meshkujt cinikë do të thonë me përbuzje se tri gjërat që u lënë përshtypje grave janë vetura e mirë, kuleta e mbushur dhe stili luksoz i jetesës, por janë të pakta gratë që shikojnë gjërat e tilla. Gjërat që tërheqin një grua nuk kanë lidhje me para, por janë si në vijim:
Vetëbesimi
Një mashkull me vetëbesim është thjeshtë i parezistueshëm, derisa vetëbesimi për të cilin po flasim nuk ka të bëjë me pozitën në punë, apo paratë që fiton ai. Meshkujt që kanë vetëbesim mund ta “rrëzojnë” secilën grua me vetëm një shikim.
Pavarësia
Sërish, nuk është fjala për pavarësinë financiare, por pavarësinë nga një grua. Një burrë që tregon në mënyrë të qartë se mund të jetojë vetë, është automatikisht më tërheqës sesa ai që duket se nuk mund të mbijetojë, po qe se nuk ka të dashur.
Mënyra se si sillet me tjerët
Secila prej nesh ka parë së paku në jetë një mashkull që është i mirë me shoqërinë, por tejet i pakulturuar ndaj kamarierit. Mënyra se si sillet ai me tjerët tregon shumë se si do të jetë me ju në të ardhmen.
